ئەو نوستالگیا بۆ ئه‌و زه‌مانه‌ی پڕ له جۆش بووین
نوستالگیا بۆ باوەشی گه‌رمت که سه‌رخۆش بووین
بیرم ئه‌ڕوا بو ئه‌و ئاوازه سێنتیمێنتاله‌ی
له مه‌یخانان بۆ بیستنی په‌رۆش بووین
بیرت ئەکەم رۆژانی نەوجوانی
پڕ لە ژیان ، پڕ لە هیوا و دڵخۆش بووین
پاییز هەمووی پێچایەوە
کردیە ناو چاڵی کۆتایی
ئەوەی کە بۆ من مایەوە
ژینێکی تار و تەنیایی
گەڵای وەریو لەو دیو پەنجەرەم
ئەڕژێنە خوار بەبێ ئەژمار
لە دارستان لە ژێر پێم دەردێ 
ورشەی گەڵای هەزار هەزار
لەو ڕۆژەوەی تۆ بە جێت هێشتووم 
شەوگار لە من نابڕێتەوە
ئای کە چەندت بیر دەکەم ڕابردوو
هەرساڵ کە پاییز دێتەوەا
by : @juanaa